Burreli është “deficit” që në start. Ka një ndeshje më pak se kundërshtarët (atë kundër Lushnjës, që ende nuk dihet kur do të luhet), ka vetëm një pikë (pas barazimit 1 me 1 dhe shumë të kontestuar me Tërbunin) dhe udhëton në kryeqytet me mungesa.

Le të ndalemi te kjo e fundit, ku zyrtarisht Renato Hoti i bën llogaritë pa dy titullarë. Vagner Sepulvida Kavalkanti Duarte Filho dhe Xhoel Aijetoja Osikel u skuqën në “Liri Ballabani” përballë pukjanëve, do ta ndjekin 90-minutëshin e radhës si spektatorë. Përtej gjithçkaje, matjanët janë gati për të sfiduar Dinamon.

E dinë që nuk do ta kenë të lehtë në këtë transfertë, por të dorëzuar nuk janë aspak. Idenë e kanë të qartë, do të tentojnë surprizën. Dhe këtë do ta realizojnë, duke u mbyllur mirë në mbrojtje dhe shfrytëzojnë aq sa të munden kundërsulmin.

Një pikë do t’u bënte vërtetë punë, ndaj me këtë mision do të zbresin në “Selman Stërmasi” ditën e diel. Gjatë gjithë javës stafit teknik ka punuar taktikisht dhe teknikisht për të krijuar 11-shen “tip”.

Disa dilema të vogla i kanë ende, duke filluar që nga moduli. Nëse të shtunën e fundit aplikuan skemën 3-5-2, këtë herë me shumë mundësi do t’i kthehen asaj klasike: 4-4-2.

E megjithatë, gjithçka do të marrë zgjidhje vetëm sot, kur skuadra do të mbyllë përgatitjet.

PANORAMASPORT.AL

NDIQE LIVE "PANORAMA TV"

---