Më në fund pak lajme të mira te Juventusi, për sa i përket rikthimeve nga dëmtimet.

Manuel Lokateli ka më pak dhimbje në brinjë dhe pritet që të rikthehet nga minuta e parë ndaj Monzës, por ndërkohë trajneri Masimiliano Alegri mund të mbështetet edhe te Danilo Luiz. Kapiteni ka rikuperuar nga dëmtimi i tij, por për mbrojtësin brazilian do të jetë e vështirë që të ketë një bluzë si titullar, por do të akomodohet në stol dhe ndoshta mbrëmjen e sotme arrin të marrë minutat e para, pas një pauze jo të shkurtër.

Ndërkohë, në sulm pritet konfirmimi i dyshes Vlahoviç-Kieza, ashtu sikurse e Kostiçit në të majtë të mesfushës dhe Kambiasos në rolin eksperimental, në të djathtë.

PANORAMASPORT.AL

NDIQE LIVE "PANORAMA TV"

---