Epoka e teknologjisë i ka thyer çdo kufi që konsiderohej tabu para pak vitesh. AI (Artificial intelligence), pra inteligjenca artificiale ka përzgjedhur lojtarin më të bukur në Bundesligën gjermane.

Edhe pse, Mats Humels dhe Kevin Trap, gëzojnë popullaritet të gjerë si figura simpatike në botën e futbollit, 20- vjeçari i Fraiburgut, Maks Rosenfelder, është përzgjedhur si lojtari më i bukur.

Për kuriozitet, duhet evidentuar fakti se Rosenfelder nuk ka shkelur asnjë minutë të vetëm në fushë, si pasojë e dëmtimeve. Në ligën kryesore të Gjermanisë marrin pjesë 517 futbollistë dhe një përfaqësues i kompanisë “Blackroll”, ka shpjeguar për “Bild” sesi ka funksionuar procesi: “Përmes programit të quajtur OpenCV, imazhet e të gjithë lojtarëve u krahasuan me njëritjetrin, duke filluar nga sytë, goja, hunda dhe deri tek mollëzat ndërmjet vlerave 1- 10”.

Futbollisti më simpatik nga kampi i Bajernit ishte Leon Gorecka, vendi i 15-të. Në gjirin e Dortmundit, Ole Polman, rrëmbeu pozicionin e 22-të.

PANORAMASPORT.AL

NDIQE LIVE "PANORAMA TV"

---