Leao drejt rinovimit me Milanin, prej portugezit kampionët e Italisë nuk blenë yllin e Napolit

Panorama Sport | Lajmet e fundit nga sporti

Postuar: Tetor 4, 2022 | 14:35


Leao drejt rinovimit me Milanin, prej portugezit kampionët e Italisë nuk blenë yllin e Napolit

Rafael Leao po habit gjithnjë e më shumë me paraqitjet e tij në kufijtë e përsosmërisë. Portugezi sprinton, asiston, shënon dhe çmend mbrojtjet kundërshtare.

LEAO

Një rritje eksponenciale që bën të buzëqeshë një Milan që tashmë po mendon për një rinovim, që nuk premton të jetë aq i thjeshtë.

E përditshmja ‘Tuttosport’ ka bërë një bilanc të problemit, duke nisur me skadimin e kontratës aktuale, të përcaktuar në vitin 2024.

Nëse në verën e vitit 2023 nuk do të jetë arritur ende një marrëveshje mes palëve, do të ketë dy zgjidhje: shitje ose sezon të fundit të kurorëzuar me largim falas.

Kjo e fundit do të ishte një hipotezë e përgjakshme për arkën e “Djallit”, që siç ndodhi me Donarumën dhe më gjerë, do të hiqnin dorë nga një figurë shumë e ëndësishme.

KVARATSHKELIA

Megjithatë, e përditshmja torineze shkruan se si Milani e ka përjetuar nga afër rëndësinë e Rafael Leaos dhe për këtë arsye është gati për një përpjekje të rëndësishme ekonomike.

Ideja është të mos kalojë përtej 7 milionë eurove, çka do të cenonte ekuilibrin e brendshëm të dhomave së zhveshjes. Ashtu si Leao për Milanin, Khviça Kvaratskhelia është padyshim njeriu i momentit te Napoli.

I blerë për vetëm 10 milionë euro, gjeorgjiani tregoi atë që është i aftë në shumë pak ndeshje, duke mos e vuajtur aspak impaktin me Serinë A.

Para se të kalonte te Napoli, ishte pikërisht “Djalli” që monitoronte me kujdes Kvaran, por nuk çoi e kurrë deri në fund goditjen.

Arsyeja është se kuqezinjtë mendonin se ishin në rregull me Leaon dhe nuk donin t’i shtonin konkurrencën.

PANORAMASPORT.AL