“Largimi nga Antverp erdhi si befasi”, Arbnor Muja zbulon prapaskenat e “divorcit”: Për fat të keq klubi më tha që…
Sulmuesi Arbnor Muja u largua nga Antverp në janar, për t’u transferuar te Samsunspor në Turqi. Një lëvizje kjo që nuk rezultoi shumë e suksesshme, me Mujën që duket se u “fik” në elitën e futbollit turk.
Futbollisti i Kombëtares shqiptare, ka dhënë një intervistë për mediumin belg “hbvl.be”, ku ka treguar disa detaje të pathëna më parë.
“Ky transferim erdhi si befasi për mua. Nuk e kisha ndërmend të largohesha. Antverpi ishte bërë shtëpia ime e dytë. Për fat të keq, klubi më tha në fund të muajit janar se dashuria më nuk ishte e ndërsjellë.
Nuk e kam kuptuar plotësisht vendimin e klubit. Por kështu funksionon futbolli. Situata mund të ndryshojë nga dita në ditë. Duhet ta pranosh. Më mungon klubi, tifozët dhe qyteti”, ka deklaruar Muja.
PANORAMASPORT.AL
NDIQE LIVE "PANORAMA TV"![](http://www.panorama.com.al/sport/wp-content/static/klikoperkepanoramaonline.jpg)