“Kemi luajtur pa lekë këtë sezon”, reagon klubi që ka bërë histori në Superiore: Ramë një kategori më poshtë, ky është fundi!
Klubi i Shkumbinit ka bërë histori në Kategorinë Superiore, por prej vitesh klubi peqinas ndodhet në pikën e saj më të errët që kur është krijuar si klub.
Pas humbjes me skuadrën e Pogradecit me shifrat 6-0, peqinasit prenë biletën për një kategori më poshtë duke zbritur në të Kategorinë e Dytë.
Së fundmi për këtë situatë ka reaguar vetë klubi me anë të një postimi në profilin e saj të rrjetit social “Facebook” duke shkruar se këtë sezon të gjithë kanë punuar pa para:
POSTIMI I KLUBIT TË SHKUMBINIT –
“Pas humbjes së djeshme në Pogradec 6-0, biem zyrtarisht një kategori më poshtë.
Fjalët janë të tepërta për të shpjeguar faktorët e rënies nga kategoria, dihen.
Faleminderit të gjithë çunave që luajtën pa lekë në këtë sezon.
E vështirë është ta themi por skuadra mund të mos ekzistojë më nga viti tjetër, klubi i nje qyteti që e do futbollin dhe e sheh atë si të vetmin argëtim, mund të mos ekzistojë më kurrë.
Peqin 17.04.2022
Fund!”
PANORAMASPORT.AL
NDIQE LIVE "PANORAMA TV"