Kapiteni Fetaj “shkund” ekipin: Ta mundim Besën dhe qetësohemi

Panorama Sport | Lajmet e fundit nga sporti

Postuar: Prill 29, 2022 | 20:53


Kapiteni Fetaj “shkund” ekipin: Ta mundim Besën dhe qetësohemi

Besëlidhja kërkon kthesën me Besën. E pret në shtëpi dhe nuk duan që të falin më pikë, për të mos rrezikuar më. Kapiteni nuk beson se do të mbërrijnë deri në atë pikë, e megjithatë kërkon vigjilencë. Gjatë një prononcimi për “Panorama Sport”, Patrik Fetaj u shpreh:

Patrik Fetaj

“Teksa kampionati po shkon drejt mbylljes, kanë mbetur edhe 6 pikë në lojë. Ne jemi të detyruar që të japim dhe marrim maksimumin, që të sigurojmë mbijetesën pa shkuar drejt ndeshjes shtesë. Të mos e fusim veten në sikletet e ‘play out’-it. Ekipi po stërvitet intensivisht për të rikuperuar energjitë për sfidën e së shtunës.

Patrik Fetaj

Ne dhe Besa kemi vetëm një pikë diferencë. Kavajasit renditen para nesh, ndaj na duhet që patjetër ta fitojmë sfidën. Jam i bindur se do t’ia dalim. Pavarësisht renditjes, Besëlidhja ka treguar se di të rikuperojë edhe në momentet kur shpresat janë të pakta, ndaj edhe këtë sezon do ta shpëtojmë”.

PRENG GJIKOLA – PANORAMASPORT.AL