Kamza nuk ndalet, merr edhe Albi Çekiçin

Panorama Sport | Gazeta me e shitur sportive ne vend

Postuar: Gusht 22, 2016 | 15:15

Kamza nuk ndalet, merr edhe Albi Çekiçin

Në një kohë që merkato po shkon drejt fundit te skuadra e Kamzës, nuk kanë të ndalur lojtarët e rinj që po afrohen që po përforcojnë ndjeshëm organikën e skuadrës së drejtuar nga Bledar Devolli, e cila sezonin e ardhshëm do të synojë të jetë pjesë e Kategorisë Superiore.

Albi-Cekici

Albi Çekiçi

Pas Mario Morinës, kamzalinjtë që po zhvillojnë fazën përgatitore në Ohër kanë bërë pjesë të ekipit të tyre edhe pogradecarin Albi Çekiçi. Mesfushori ka spikatur me formën e tij te skuadra e Pogradecit dhe kjo ka mjaftuar që ai të marrë një ftesë nga ekipi kryeqytetas.

Futbollisti do të jetë një alternativë e mirë për mesfushën e Kamzës së bashku me lojtarët e tjerë që janë në dispozicion të Devollit. Por, bashkë me Çekiçin te skuadra e Kamzës po stërvitet edhe Spartak Elmazi, i cili sezonin e shkuar ka luajtur me Dinamon po në Kategorinë e Parë.

Elmazi i Pogradecit

Spartak Elmazi

Elmazi ka një eksperiencë të gjatë në këtë kategori dhe trajneri Devolli ka vendosur që ta përfshijë në skuadrën e tij për sezonin e ri futbollistik. Aktualisht mesfushori është duke u stërvitur me ekipin në Ohër. Një tjetër emër që është bashkuar ditët e fundit me Kamzën dhe ka luajtur në miqësoren e dy ditëve më parë ndaj Skënderbeut është braziliani Leo Lelis.

Mbrojtësi ka luajtur te skuadra e të rinjve Videoton në Hungari dhe ka treguar një formë të mirë. 20-vjeçari ka treguar formë të mirë në sfidën me korçarët dhe mësohet të ketë firmosur me Kamzën për sezonin e ardhshëm futbollistik.






www.minuta90.com