Eros Grezda i ka dhënë fund aventurës me Rudes në elitën e futbollit kroat, ku u aktivizua 9 ndeshje në total dhe nuk mundi të shënonte asnjë gol. Sulmuesi 29-vjeçar nëpërmjet një “Instastory” në faqen zyrtare ka bërë me dije se ka marrë një vendim që për momentin të pushojë nga futbolli.  

Grezda ka falenderuar klubin e Rudesit për mundësinë dhe mirëkuptimin. Vlen të theksohet fakti se sulmuesi iu bashkua ekipit kroat nga radhët e Partizanit, edhe me “demat e kuq”, aventura e ish-futbollistit të Kombëtares, nuk shkoi ashtu siç pritej. 

Ngelet për t’u parë në ditët në vazhdim, nëse kjo tërheqje e Grezdës, do të jetë e përkohshme, apo 29-vjeçari do të varë përfundimisht “këpucët në gozhdë”. 

PANORAMASPORT.AL

NDIQE LIVE "PANORAMA TV"

---