Postuar: Mars 3, 2024 | 23:45
Josa largohet nga Laçi, ja kush pritet ta zëvendësojë në stolin e kurbinasve
Gjashtë ndeshje radhazi pa fitore në kampionat duket se kanë sjellë largimin e Mirel Josës nga pankina e Laçit.
Ka qenë vetë trajneri, i cili i kontaktuar nga “Panorama Sport” ka konfirmuar se nuk do të jetë më trajneri i kurbinasve.
Disfata e fundit me Skënderbeun dhe pozicioni i kurbinasve në tabelën e renditjes duket se janë arsyet e këtij vendimi, teksa menjëherë po flitet për një emër të ri.
Bëhet fjalë për Armando Cungun, i cili e ka drejtuar dhe më parë Laçin në vitet 2014-2015 dhe 2019-2020.
Ish-futbollisti shkodran është kandidati numër një për të marrë drejtimin e kurbinasve, në rast se Josa do t’i japë lamtumirën Laçit.
PANORAMASPORT.AL
NDIQE LIVE "PANORAMA TV"