Më 10 qershor në Stamboll, Mançester Siti dhe Interi do të luajnë finalen e Ligës së Kampioneve.

Skuadra angleze ka mposhtur në gjysmëfinale Realin e Madridit pas fitores 4-0 në ndeshjen e kthimit në “Etihad”. Skuadra angleze ka kushtuar tri herë më shumë sesa italiania dhe në sulm ka një “Top të Artë” të ardhshëm si Erling Haland, autori i 52 golave këtë sezon. Kompanitë e basteve nuk kanë dyshime, ndërsa fitues në finale shohin vetëm “qytetarët”. Madje skuadra e Pep Guardiolës kuotohet si favorite pa nisur secili prej sezoneve të fundit.

Dhe në këtë mënyrë, programi “Le Iene” i televizionit “Italia 1” ka udhëtuar drejt Mançesterit, ku në qendrën stërvitore pritej që të mbërrinin lojtarët, për t’ia dorëzuar trofeun e Ligës së Kampioneve direkt skuadrës. Kapiteni Ilkai Gyndoan, i cili është në skadencë kontrate dhe klubi po bën gati një ofertë të re, e cila i afrohet pretendimeve të mesfushorit, ishte i pari që mori kupën, por i tha të dërguarit të emisionit, Stefano Korti, se për besëtytni ai nuk do ta autografonte.

Ndërkohë që me humor e priti edhe trajneri Pep Guardiola, i cili lëshoi edhe një kompliment për emisionin satirik, duke u thënë: “Jeni shumë të këndshëm”. Mançester Siti do të tentojë të triumfojë për herë të parë në historinë e klubit në një finale të Ligës së Kampioneve muajin e ardhshëm, ndërsa pas titullit kampion mund të fitojë edhe finalen e Kupës FA kundër rivalëve të Mançester Junajtidit më 3 qershor.

PANORAMASPORT.AL

NDIQE LIVE "PANORAMA TV"

---