Ish-presidenti Morati: Keqardhje për Zhangun, borxhet i mori për… Interin
Orët e fundit në shtëpinë e Interit kanë qenë shumë të ngjeshura me festë dhe ndryshime të pronarëve. Sigurisht që edhe një personazh si Masimo Morati ka dashur që të thotë fjalën e tij në lidhje me këtë temë. Ish-presidenti që ka qëndruar në krye të skuadrës për 16 vite i ka dalë në mbrojtje Stiven Zhangut.
“Më vjen shumë keq që përfundoi kështu. E vlerësoj shumë Stiven Zhangun, i ciki ka fituar 2 tituj kampionë si president dhe shumë trofe të tjerë gjatë këtyre viteve. Borxhet që ka marrë dhe nuk i ka shlyer dot kanë qenë për të mirën e Interit, jo për llogaritë e tij. Shpresoja që të gjente një zgjidhje për të qenë në krye të klubit. Kam folur me të këto kohë, por jo për këtë çështje”, ka thënë Morati.
Fituesi i 16 trofeve si president ka folur edhe për pronarët e rinj. “Shpresoj që të kenë respekt dhe të plotësojnë kushtet për skuadrën që të qëndrojë në nivele të larta. Rritja e fondeve të huaja në Serinë A është një e mirë. Pa ndërhyrjet e të tjerëve një biznesmeni privat mund t’i ndodhë ajo që më ndodhi mua”, përfundoi Morati.
PANORAMASPORT.AL
NDIQE LIVE "PANORAMA TV"![](http://www.panorama.com.al/sport/wp-content/static/klikoperkepanoramaonline.jpg)