Humbën ndaj Shkumbinit, shefi i klubit të Turbinës: Faji ynë, presim reagim në ndeshjen e radhës

Panorama Sport | Lajmet e fundit nga sporti

Postuar: Nëntor 30, 2021 | 18:19

Humbën ndaj Shkumbinit, shefi i klubit të Turbinës: Faji ynë, presim reagim në ndeshjen e radhës

Turbina është mundur në fushën e vet nga Shkumbini, gjë që i ka pezmatuar jo pak drejtuesit. Në një prononcim për “Panorama Sport”, shefi i klubit nuk kursen askënd. Engjëll Belshi e thotë hapur se skuadra luajti keq dhe gaboi.

Turbina Beselidhja

 

“Nuk di çfarë të them dhe nuk di nga t’ia filloj. Humbëm për fajin tonë. Luajtëm keq, duke ua dhuruar me lojën e dobët fitoren peqinasve. Nuk e prisja kurrë të mposhteshim prej tyre. Nuk ishin më lart se ne si skuadër. Lojtarët tanë nuk patën asnjë grintë dhe duhet të godisnin portën, gjë që nuk e bënë dhe luajtën me topa të gjatë. Tashmë jemi të rrezikuar seriozisht për të rënë, por nuk duhet dorëzohemi. Presim reagimin me Maliqin”.

MARIGLEN MIRAKA-PANORAMASPORT.AL

NDIQE LIVE "PANORAMA TV"