Atalanta me kapiten Berat Gjimshitin ka fituar sot Ligën e Europës me një finale historike ndaj Bajer Leverkusenit, duke i shkaktuar këtij të fundit humbjen e parë të këtij sezoni në të gjitha kompeticionet.

Gjermanët ishin favoritë në këtë ndeshje por Atalanta bëri një presing shumë të lartë duke mos i lejuar asnjë hapësirë në pjesën e parë, teksa shfrytëzoi maksimalisht gabimet e tyre me Lukman i cili shënoi dy herë.

Në të dytën, italianët kontrolluan me qetësi ndeshjen duke mos lejuar hapësirat në prapavijë dhe goditën përsëri me Lukman, i cili plotësoi tregolëshin e tij në një natë historike.

Kështu, Atalanta fitoi në finalen e parë të saj në histori Ligën e Europës, me Berat Gjimshitin që shkroi emrin gjithashtu si kapiteni i kësaj skuadre në ndeshjen vendimtare,.

ATALANTA-BAJER LEVERKUSEN 3-0
12′, 26′, 76′ Lukman

NGJARJET KRYESORE

90’+5’ Mbyllet ndeshja me fitoren 3-0 të Atalantës.

90’+1’ Ruxheri i lë vendin në fushë Toloit.

90’ Jepen 4 minuta shtesë.

84’ Tah gabon dhe thuajse i jep mundësinë Ture të shënojë edhe golin e tretë.

83’ Skamaka dhe Zapakosta largohen duke i bërë vend Ture dhe Hateboer.

82’ Pasim nga e djathta në shtyllën e parë për Shik, Gjimshiti devijon në këndore. (VIDEO)

81’ Skamaka gjuan përsëri nga jashtë zonës, pa shqetësuar shumë portierin gjerman i cili kontrollon.

81’ Jashtë Frimpong e Virtz, ndërsa në fushë janë Teja dhe Shik në radhët e Leverkusenit.

80’ Virtz provon edhe ai nga jashtë zonës por sfera pritet nga Muso me qetësi.

78’ Ederson provon nga jashtë zonës, por gjuajtja është qendrore.

75’ GOOOL ATALANTA! Lukman është i pakapshëm dhe nga e majta lëshon një predhë që ndalet në rrjetë për golin e tretë të skuadrës së tij. (VIDEO)

74’ Karton i verdhë për Andrih.

70’ Kupmainers i shtohet listës së të ndëshkuarve me të verdhë te Atalanta pas një faulli ndaj Virtz.

68’ Andrih dhe Hlozek marrin vendin e Palacios dhe Grimaldo në radhët e Leverkusenit.

67’ Tapsoba ndal me faull Lukman të nisur drejt portës dhe ndëshkohet me të verdhë.

64’ Virtz nis një harkim në shtyllën e dytë për Grimaldon, Muso del dhe kontrollon topin. (VIDEO)

60’ Karton i verdhë edhe për Zapakostën.

58’ Mundësi e mirë në këtë pjesë të dytë për gjermanët. Pas një topi nga e majta, Muso grushton por sfera shkon te Frimpong i cili gjuan menjëherë dhe çon topin shumë lart mbi traversë. (VIDEO)

57’ Frimpong provon të gjuajë, por Ederson devijon topin që shkon në duart e Muso.

57’ Pasaliç merr vendin e De Ketelare në radhët e Atalantës.

53’ Edhe Gjimshiti del në sulm në këto minuta duke shtuar presionin ndaj gjermanëve që nuk arrijnë të krijojnë rreziqe.

49’ Zbritje e shpejtë nga e majta e Atalantës me topin në qendër që devijohet nga Hinkapi para se De Ketelare ta shtynte në rrjetë. (VIDEO)

46’ Bonifejs ndërkohë merr vendin e Stanisiç në radhët e gjermanëve.

46’ Pjesa e dytë nis me një ndryshim të papritur për italianët pasi Skalvini merr vendin e Kolashinaç i cili nuk mund të vazhdojë më për shkak dëmtimi.

45’+2’ Mbyllet pjesa e parë me avantazhin 2-0 të Atalantës.

45’+1’ Xhaka provon portën me një gjuajtje nga distanca, sfera përfundon jashtë katërkëndorit. (VIDEO)

45’ Jepen 2 minuta shtesë.

42’ Tjetër mundësi e shkëlqyer e italianëve për të shënuar, teksa De Ketelare shfaqet në kufijtë e zonës në të djathtën dhe gjuan në shtyllën e parë por gjen Kovar në pozicion. (VIDEO)

39’ De Keteleare niset shpejt në të majtën, pasimi i tij në qendër gjen Skamakan por ky i fundit nuk ia del të rrotullohet e gjuajë drejt portës.

37’ Top në thellësi i Xhakës për Virtz, sfera shkon direkt te Muso në pozicion. (VIDEO)

35’ Skamaka ndëshkohet me karton të verdhë pas një faulli në mesfushë, ndërsa e pëson edhe Virtz për protestat e shumta.

34’ Grimaldo shfaqet para Muso me një sulm të shpejtë në të majtën, pro çon topin në duart e portierit. (VIDEO)

32’ Skamaka provon nga jashtë zonës, por nuk ka forcën për të shqetësuar Kovar. (VIDEO)

31’ Vazhdon presingu i lartë i italianëve të cilët hedhin vazhdimisht topin në zonë duke kërkuar edhe golin e tretë me Lukman dhe Skamaka.

26’ GOOOL ATALANTA! Lukman jep spektakël pasi merr topin para zonës, kalon Xhakën dhe dërgon sferën në rrjetë me një goditje të shkëlqyer nga jashtë zonës. (VIDEO)

22’ Gjimshiti është futbollisti i parë i ndëshkuar me karton të verdhë në këtë finale pas një ndërhyrje ndaj Palacios. (VIDEO)

18’ Aksioni i parë i rrezikshëm i gjermanëve vjen me një zbritje të shpejtë nga e djathta, teksa në fund Stanisiç nuk gjuan siç duhet duke dërguar topin në duart e Musos. (VIDEO)

14’ Start i rrufeshëm i italianëve që nuk po lejojnë Leverkusenin të krijojë lojë me një presing të lartë.

12’ GOOOL ATALANTA! Pas zhvillimit të një goditje këndi, pasimi i Zapakostas në qendër devijohet në rrjetë nga Lukman. (VIDEO)

8’ Ruxheri nga e majta harkon në zonë për Skamakan, i cili provon me kokë por nuk gjen dot portën. (VIDEO)

6’ Edhe Hien nga ana tjetër përpiqet të nisë Lukman në thellësi, portieri Kovar kontrollon gjithçka.

4’ Xhaka nis një top nga thellësia drejt zonës, Muso del dhe grushton duke larguar topin.

3’ De Ketelare mundohet të hyjë në zonë në krahun e djathtë, bllokohet nga Hinkapi i cili largon rrezikun.

1’ Nis dueli në Dublin.

FORMACIONET ZYRTARE

Atalanta (3-4-3): Muso; Gjimshiti, Hien, Kolashinaç; Zapakosta, Ederson, Kopmeiners, Ruxheri; De Ketelaere, Skamaka, Lokman | Trajner: Xhan Piero Gasperini

Bajer Leverkusen (3-4-2-1): Kovar; Tapsoba, Tah, Stasisiç; Hinkapie, Palacios, Xhaka, Frimpong; Grimaldo, Virtc; Adli | Trajner: Çabi Alonso

PANORAMASPORT.AL

 

NDIQE LIVE "PANORAMA TV"

---