Një ekip amator futbolli në Britani është kurorëzuar si më i keqi në ishull pasi i ka humbur të gjitha ndeshjet e sezonit të shkuar (21) duke pësuar 200 gola.

Cëm Albion kishte një golavarazh -191 gola sezonin e kaluar. Ata humbën një ndeshje jashtë fushe 25-0, e ndjekur nga një disfatë në shtëpi 21-1.

Portieri Xhemi MekDonald nuk ka mbyllur kurrë një ndeshje pa pësuar në dhjetë vjet me klubin, ndërsa mesfushori Xhon Ris është 73 vjeç.

Sulmuesi anësor Shejn Prior pranon se i ka “këmbët si Bambi”, ndërsa mesfushorit Pol DiMarko thuhet se i del gjak nga hunda nëse shkon shumë lart në fushë. Por pavarësisht rezultateve të tyre, lojtarët mbeten plotësisht të përkushtuar.

Trajneri Den Xhill tha: “Çdo javë ne vendosim zemrën në fushë. Unë jam përfshirë që kur isha 16 vjeç dhe babai im, Kolin, ka qenë pjesë e Cëm Albion për më shumë se 50 vjet. Ne jemi vërtet një familje”.

PANORAMASPORT.AL

NDIQE LIVE "PANORAMA TV"

---