Zak Uillson po bëhet gati që të justifikojë të gjithë bujën që është krijuar rreth tij. Pasuesi 23-vjeçar i Nju Jork Xhets, tani ka mundësinë edhe të mësojë nga një emër i madh si Aron Roxhers i cili i është bashkuar ekipit dhe do të mund të shfaqë më mirë vlerat e tij duke marrë leksione nga veterani.

Por mbi të gjitha, do të jetë larg mediave skandalistike në SHBA, ku përfundoi vitin e kaluar për shkak të historisë që u publikua rreth lidhjes së sportistit me një shoqe të mamasë së tij. Gjithçka është meritë e Nikolet Dellano, modele dhe një yll i rrjeteve sociale, me qindra mijëra ndjekës në TikTok.

Me partneren e re përkrah, tani Uillson do ta ketë mendjen vetëm në fushën e lojës, për të provuar të gjithë talentin që ka dhe për të përmbushur pritshmërinë si një nga yjet e të ardhmes.

PANORAMASPORT.AL

NDIQE LIVE "PANORAMA TV"

---