Goditje e rëndë për PSG, Mbape humb duelin e Ligës së Kampioneve ndaj Bajern Mynih

Panorama Sport | Lajmet e fundit nga sporti

Postuar: Shkurt 2, 2023 | 16:55

Goditje e rëndë për PSG, Mbape humb duelin e Ligës së Kampioneve ndaj Bajern Mynih

PSG ka marrë një goditje të rëndë sa i përket shanseve për të vazhduar më tej në Ligën e Kampioneve, ku në fazën e parë me eliminim direkt, shorti e ka vënë përballë Bajern Mynih. Francezët kanë humbur shërbimet e lojtarit më në formë, Kilian Mbape, i cili është dëmtuar që në minutat e parë të sfidës së mbrëmshme ndaj Montpelje.

MBAPE

Lojtari bëri me shenjë se kishte probleme në kofshë dhe u zëvendësua që në minutën e 20 të sfidës. Por pakkush mendonte se ky dëmtim do ta bënte të humbte ndeshjen e parë ndaj Bajern Mynih, që luhet më datë 14 shkurt.

Klubi bëri të ditur se dëmtimi i pësuar në kofshën e djathtë ishte në lartësinë e bicepsit femoral ndaj futbollisti do të qëndronte jashtë për të paktën tre javë, duke humbur kësisoj duelin e rëndësishëm ndaj bavarezëve. Ndërkohë, nën vëzhgim është edhe Serxhio Ramos, i cili ka gjithashtu probleme me një dëmtim, por do t’i nënshtrohet testeve më të hollësishme për të kuptuar se sa kohë do t’i duhet të qëndrojë pushim.

PANORAMASPORT.AL

NDIQE LIVE "PANORAMA TV"