FOTO+VIDEO/ Prezantohen tre projektet, ja si pritet të duket stadiumi i ri i Durrësit
Pas Korçës, radhën për të mësuar projektin final për stadiumin e ri e ka Durrësi, me 3 studio të cilat garojnë me njëra-tjetrën.
Projekti i parë erdhi nga studio belge 51N43. Ajo solli idenë e një stadiumi të rrethuar nga fusha të ndryshme sportive dhe disa ndërtesa.
Përveç ndeshjeve të futbollit, ai stadium mund të funksionojë dhe si një qendër sportive dhe për aktivitet të ndryshme, ku do të përmbante hotele, bare, restorante, pishina etj.
Projekti i dytë u prezantua nga studio daneze Bjarke Ingles Group (BIG), e cila erdhi me idenë e një stadiumi me 10 mijë vende, duke përfshirë gjithashtu dhe hapësira të mëdha publike, të cilat mund të përdoren për aktivitete të ndryshme ekonomike.
Gjithashtu brenda stadiumit do të përfshihej dhe një muze që për historinë e qytetit të Durrësit dhe klubit të Teutës.
Projekti i tretë u prezantua nga studio holandeze MVRDV, e cila solli idenë e një stadiumi të rrethuar nga disa blloqe ndërtesash, të cilat gjithashtu do të shërbejnë për hotele, restorante dhe aktivitete të ndryshme ekonomike, por edhe fusha për aktivitete të ndryshme sportive.
Fituesi i këtij projekti do të shpallet po ditën e sotme, në orën 16:00.
PANORAMASPORT.AL
NDIQE LIVE "PANORAMA TV"