FOTO/ Alan bëhet baba, Erzeni “spostohet” në Spanjë dhe viziton mitikun… “Camp Nou”
Ndeshjet e fundit për ekipin e Erzenit kanë qenë disi të lodhshme, pasi në sajë të dëmtimeve të shumta, trajneri Kapllani ka qenë i limituar për të bërë zëvendësime dhe lojtarët aktualë kanë shumë minuta në këmbë, nisur dhe nga fakti që është i vetmi ekip që e nisi sezonin pa një fazë të mirëfilltë përgatitore.
Rrjedhur nga kjo dhe nga zhvillimin e ndeshjeve kombëtare përgjatë dy javëve, lojtarët kanë marrë disa ditë pushim. Grupi i shqiptarëve të Maqedonisë janë parë së bashku në Barcelonë, duke ndarë dhe foto në rrjete sociale, ku kane vizituar qytetin historik katalanas dhe mitikun “Camp Nou”.
Nga ana tjetër, në Shijak ka zhvillime tjera, pasi mesfushori brazilian i shijakasve, Alan Rodrigues Calbergue, është bërë baba, teksa e shoqja etij, që po jeton në Shqipëri me të, ka lindur një djalë, të cilin e kanë quajtur Henry.
Një banor i ri tani në Shijak me ADN braziliane, por me emrin e një futbollisti francez, që ka ndëshkuar më parë Brazilin. Mesfushori i Erzenit ka një motiv më shumë për të dhënë më të mirën në fushën e lojës në ndeshjet e mbetura.
RONALD FAJA – PANORAMASPORT.AL
NDIQE LIVE "PANORAMA TV"