Elbasani ka mbajtur hapin e Bylisit kryesues në Kategorinë e Parë, teksa ka fituar sot me shifrat 2-1 përballë Luzit në një ndeshje që rrezikoi të komplikohej shumë për skuadrën e Dedes.

Edhe pse dy skuadrat luftojnë për objektiva shumë të ndryshme në këtë sezon, Luzi i cili luan për mbijetesë, ia doli të kalonte i pari në avantazh përballë verdhebluve që pretendojnë Superioren, pasi gjeti golin me Trenin. Por pak minuta më vonë, ishte De Melo ai i cili i dha qetësi Dedes, duke barazuar shifrat para fundit të pjesës së parë.

Në të dytën, Elbasani fitoi dy penallti radhazi. Hoxhaj gaboi të parën përballë portierit Mati. Por Lila nuk gaboi të dytën, duke i siguruar përmbysjen ekipit të tij që mbylli ndeshjen me këto shifra për të shkurtuar në dy pikë distancën nga Bylisi kryesues.

ELBASANI-LUZI 2008 2-1
40′ De Melo, 61′ (p) Lila / 35′ Treni

52′ Hoxhaj humb penallti

FORMACIONET ZYRTARE

ELBASANI: Totoshi, Salomao, Zaimi, Telushi, Lila, Karakaçi, Hila, De Melo, Greca, Lleshi, Hoxhaj.
Trajner: Nevil Dede

LUZI 2008: Mati, Zaimaj, Hidriu, Burgaj, Goga, Veriu, Lahi, Gjinaj, Çuçka, Mandela, Treni.
Trajner: Gëzim Bushi

PANORAMASPORT.AL

NDIQE LIVE "PANORAMA TV"

---