EKSKLUZIVE/ Fitoi titullin me Kukësin, ish-drejtori i Laçit drejt rikthimit te verilindorët
Kukësi e ka plotësuar të gjithë organikën me stafin teknik, por vakant ka mbetur ai i lënë bosh nga kroati Pero Pejiç, i cili u gradua së fundmi zv.trajner, duke qenë krahu i djathtë i Skënder Gegës.
Burime të “Panorama Sport” në klubin verilindor, tregojnë se postin e drejtorit të përgjithshëm pritet ta marrë një emër shumë i njohur për Kukësin.
Bëhet fjalë për Naim Halilin, i cili është një njohje e vjetër për klubin, sepse ka qenë pjesë e tij edhe në kohën kur u shpallën kampionë për herë të parë në histori.
Vetëm pak ditë më parë, Halili u largua nga Laçi, aty ku kontribuoi për tri vite dhe arriti suksese me këtë skuadër.
Tashmë, e njëjta gjë pritet edhe te Kukësi, teksa gjasat janë që të mbajë rolin e drejtorit të përgjithshëm.
Pra, drejtori teknik dhe ai sportiv do të shkrihen në një rol të vetëm.
PANORAMASPORT.AL
NDIQE LIVE "PANORAMA TV"