Njoftimi i bordit për largimin e Tomas Tuhel nga pankina e Bajern Mynih në fund të sezonit ka hedhur vështrimin edhe mbi kubet e mundshme ku 50-vjeçari gjermanë do të vijojë aventurën profesionale. Barcelona u përmend më herët si alternativë e denjë, aq me tepër kur vete Tuhel foli me superlativa rreth Ligës spanjolle dhe futbollit iberikas në tërësi.

Konstatimi i gjigandit “Bild” ka tjetër horizont. Sipas këtij mediumi, pista e Mançester Junajtid është më e parapëlqyer. “Djajtë” nuk po kalojnë moment të mirë dhe shanset për të mbyllur sezonin me trofe janë thuajse të zbehta. Durimi i “shefit” të ri në “Old Trafford” ndaj Erik Ten Hag ka skaduar dhe mbërritja e verës nënkupton largimin e “tulipanit” nga pankina e rekordmenëve anglezë. Precedenti i mëparshëm në Angli te Çelsi i jep disi siguri Tuhelit, pasi e njeh terrenin, ndryshe nga La Liga.

Uria e pronarit të Mançester Junajtid Sër Xhim Ratklif i shkon përshtat edhe planeve të gjermanit, ndërtimin e një ekipi mbi bazë të preferencave të trajnerit dhe jo kushtëzimit ekonomike, të cilat nuk mund të sigurohet nga katalanasit. “Hipotekimi” i Kilië Mbape te Real Madrid shfaqet si rrezik i “nënshtrimit, pavarësisht se te Barça gjendet një dyzinë talentesh ende në progres.

PANORAMASPORT.AL

NDIQE LIVE "PANORAMA TV"

---