Fytyrat e ngrysura në tribunë nuk premtonin asgjë të mirë, e në fakt ashtu ka ndodhur. Drejtori teknik Paolo Maldini, ai sportiv Frederik Masara dhe Xhorxho Furlani (shefi i financave në klub) kanë pasur një diskutim të ndezur. Tema nuk dihet me saktësi, por mund të imagjinohet.

Tre drejtuesit pas debatit janë larguar nga “San Siro” pa asnjë kontakte me trajnerin apo skuadrën. Nuk duhet të ketë masa drastike e aq më pak një grumbullim të detyruar për kuqezinjtë.

Programi i skuadrës duhet të vazhdojë si normalisht me ditën e sotme, që do të jetë pushim, ndërsa nesër do të konsumohet dreka së bashku, siç ndodh çdo fillimjave që kur Pioli është trajneri i Milanit.

Rezultatet drastike dhe sidomos gjendja psikologjike janë alarmante, sidomos në kuadër të derbi të së dielës, por drejtuesit nuk duan të rëndojnë edhe më shumë gjendjen e grupit me dënime apo masa si grumbullimi i detyruar në “Milanello”.

PANORAMASPORT.AL

NDIQE LIVE "PANORAMA TV"

---