Skuadra e Dinamos vazhdon përgatitjet e saj për këtë sezon në Kategorinë e Parë. Nën drejtimin e Nevll Dedes, blutë vazhdojnë stërvitjet, por edhe ndeshjet miqësore, për të ndërtuar sa më parë një grup të denjë për t’u kthyer pa shumë probleme në Superiore.

Pas derbit të barazuar 1-1 ndaj Partizanit në Pogradec, sot blutë janë ndeshur pikërisht me pogradecarët, të cilët kanë nisur edhe ata përgatitjet për sezonin e ri, ku do të luajnë në Kategorinë e Dytë. Ekipi kryeqytetas ka fituar me shifrat 4-1, në një ndeshje e cila nisi me gola të shpejtë. Daja shënoi golin e avantazhit për blutë në minutën e 14 por vetëm dy minuta më vonë ishte Karlos i cili barazoi për vendasit.

Për të parë gola të tjerë duhej pritur pjesa e dytë, kur më radhë shënuan Denison, Imami dhe Mehmetaj për të vulosur suksesin 4-1 të bluve në një sfidë ku trajnerët përdorën të gjithë lojtarët që kishin në dispozicion.

Pogradeci-Dinamo 1-4
Golat: 16’ Karlos / 14’ Daja, 69’ Denison, 80’ Imami, 90’ Mehmetaj

PANORAMASPORT.AL

NDIQE LIVE "PANORAMA TV"

---