Dëmtohet Buskets, klubi: Vendos ai për rinovimin
Dëmtimeve nuk i ka shpëtuar as Barcelona. Pas Dembelesë, që do të qëndrojë për 5-6 javë larg fushave, katalanasit kanë humbur dhe shërbimet e kapitenit Serxho Buskets.
Ai është dëmtuar që në fillimin e takimit kundër Seviljes. Për të bëhet fjalë për një problem në kavilje, teksa për momentin klubi ka njoftuar se kapiteni do të qëndrojë jashtë fushave për 2-3 javë. Ndërkaq, nga vetë klubi i Barcelonës ka pasur dhe një qëndrim në lidhje me situatën e kontratës së Busketsit.
Drejtori sportiv, Mateu Alemani, ka sqaruar mediat se Ksavi dhe vetë lojtari do ta vendosin se çfarë do të bëjnë. “Buskets e di qëndrimin tonë. Mendoj se vendimi përfundimtar i takon atij dhe trajnerit Ksavi. Ata do të ulen për të folur mes tyre dhe që andej do të dalin në një përfundim”, ka thënë Alemani.
PANORAMASPORT.AL
NDIQE LIVE "PANORAMA TV"