Ashtu si çdo vit, muaji korrik është barometri i klubeve shqiptare, të cilat pasi kanë mësuar kundërshtarët, do të përballen javën tjetër, në ndeshjet e vlefshme për turnetë europianë të sezonit që vjen. 

Për sa i përket bilancit të klubeve shqiptare në 5 vitet e fundit në kompeticionin e Ligës së Europës, nëse do të kthehemi pak mbrapa në kohë, do të gjejmë edhe emrin e sulmuesit gjigant të Mançestër Sitit, Erling Haland, që në sezonin 2018 ku ishte pjesë e norvegjezëve të Moldes, ka shënuar në portën e Laçit, në ndeshjen e vlefshme për turin e dytë të Ligës së Europës. Haland ka shënuar në pjesën e parë me anë të një penalltie. 

Ndërkohë nëse do të flasim për një futbollist që ka shënuar më shumë në portën e një ekipi shqiptar në këto pesë vitet e fundit, ai është Adeleke Akiniemi. Ish-sulmuesi i Laçit në vitin 2018 luante për letonezët e Ventspilsit dhe në dy përballjet kundër Luftëtarit në Ligën e Europës ka shënuar 6 gola, katër në takimin e parë dhe dy në të kthimit. 

PANORAMASPORT.AL

NDIQE LIVE "PANORAMA TV"

---