Presidenti i Barcelonës, Joan Laporta, po çmendet për të kthyer Mesin në skuadër.

Nuk është çudi që në intervistat që ka dhënë pas fitimit të titullit në Spanjë, ka folur për rikthimin e mundshëm të argjentinasit. Presidenti tha se kishte biseduar me Leon për të ridrejtuar situatën dhe për të promovuar kështu rikthimin e futbollistit në “Camp Nou”. Megjithatë, situata nuk është aq idilike. Ka ende shumë për të bërë që Leo të kthehet.

TAKIMI ME LEON – Para së gjithash, duhet të ketë një bisedë të vërtetë mes Laportës dhe Mesit. Nuk mjafton me disa mesazhe, në të cilat ata uronin njëri-tjetrin për Botërorin dhe tani për Ligën. Të dy personazhet duhet të takohen ballë për ballë për të zbutur mosmarrëveshjet që lindën për vetë mënyrën se si futbollisti u largua nga klubi dy vite më parë. Askush nuk i harron lotët e Leos.

OFERTA DHE PROJEKTI SPORTIV – Krahas bisedës, klubi duhet t’i paraqesë lojtarit ofertën. Deri më tani kjo çështje nuk është diskutuar, pavarësisht se në publik kanë dalë shifra konkrete. Oferta nuk kufizohet vetëm në paratë që mund të fitojë argjentinasi. Kjo temë është e rëndësishme, por Leos i intereson më shumë projekti sportiv që do të ketë klubi.

LA LIGA, VENDIMTARE – La Liga do të ketë shumë të bëjë në të gjithë këtë histori. Në radhë të parë miratimi i planit të fizibilitetit që i ka dhënë Barcelona. Një projekt afatgjatë, falë të cilit klubi do të balanconte llogaritë e veta dhe në këtë mënyrë mund të nënshkruante me Mesin. La Liga është e para që interesohet për rikthimin e argjentinasit, sepse argjentinasi do të rriste vlerën e vetë kampionatit.

SHITJA E LOJTARËVE – Për të përfunduar transferimin e mundshëm të Mesit duhet të shiten lojtarë. Largimet e Buskets, Pike e Grizman vlejnë shumë, por nevojiten edhe më shumë largime.

PANORAMASPORT.AL

NDIQE LIVE "PANORAMA TV"

---