Dinamo dhe Teuta kanë ndarë pikët në barazimin pa gola mes tyre në ndeshjen e luajtur në “Elbasan Arena”.

Ka qenë një ndeshje e luftuar në çdo cep të fushës dhe shpesh me lojë të ashpër, por me pak raste në të dy portat. E ndërsa rastet mungonin, nuk kanë munguar polemikat dhe kontestimet ndaj gjyqtarit Klodian Prenga. Ishin dinamovitët që kontestuan vazhdimisht mungesën e kartonëve të verdhë për ndërhyrjet e kundërshtarëve, ashtu si edhe të kuqin që dha për Maliqin.

Në fund, nga një pikë për secilën skuadër, që shërben për të mos humbur kontaktin me grupin e kreut dhe i mban plotësisht në garën për katërshen e parë.

DINAMO-TEUTA 0-0

NGJARJET KRYESORE

90’+5’ Mbyllet ndeshja me barazimin 0-0.

90′ Jepen 5 minuta shtesë.

89’ Guindo i lë vendin Meksit në radhët e Dinamos.

82’ Torraj dhe Qaqi hyjnë në fushën e lojës në vend të Arifit dhe Jazxhi në radhët e Teutës.

79’ Harkim në zonë nga e djathta e sulmit, Beshiraj devijon por pa gjetur portën e Teqjes. (VIDEO)

71’ Beshiraj hyn në zonë nga e majta dhe gjuan, por gjen në pozicion Teqjen.

70’ Bregu i lë vendin Lorran në radhët e Dinamos.

69’ Bregu tenton me një tjetër goditje dënimi ballore, sfera ndalet në murin mbrojtës. (VIDEO)

66’ Karton i verdhë për Përgjonin, i cili ndal në mënyrë të parregullt Guindon. Dinamovitët kërkojnë të kuq por kryesori nuk ndërron mendje. (VIDEO)

61’ Maliqi ndëshkohet me kartonin e dytë të verdhë për simulim pas një kontakti me Tolin. (VIDEO)

59’ Qardaku dhe Gudiabi i lënë vendin në fushë Qefaliajt dhe Beqjas në radhët e Dinamos. Ndërsa Myszor dhe Beshiraj hyjnë në fushë në vend të Zela dhe Fadairo në radhët e Teutës.

58’ Bregu ekzekuton një goditje dënimi, sfera kalon mbi traversën e portës së Selmanit. (VIDEO)

51’ Edhe Boçi përfundon në listën e të ndëshkuarve me të verdhë nga gjyqtari.

49’ Zhongo ndëshkohet me të verdhë për një ndërhyrje në mesfushë.

46’ Pjesa e dytë nis me Bernard Berishën në fushë në vend të Lorenco Vilës në radhët e Dinamos.

45’+2’ Mbyllet pa gola pjesa e parë.

45′ Jepen 2 minuta shtesë.

39’ Emiljano Vila merr vendin e Vidal të dëmtuar në radhët e Teutës.

37’ Goditja e dënimit ekzekutohet me skemë dhe në fund Zela i vetëm para portieri pason te Zhongo. Ky i fundit në mënyrë të pabesueshme çon sferën mbi traversë, teksa ngushëllohet nga fakti se vijërojtësi e  sinjalizon në pozicion jashtë loje. (VIDEO)

36’ Fadairo shkëputet në krahun e djathtë, Qardaku e ndal në mënyrë të parregullt duke shkaktuar faull pranë zonës së rreptësisë.

31’ Jazxhi ndëshkohet me karton të verdhë për protesta ndaj gjyqtarit.

27’ Zbritje e shpejtë e Nani në të djathtën, pasimi në qendër për Guindon ndalet nga Jazxhi i cili shmang golin.

25’ Zela gjuan nga distancë e largët, sfera shkon në duart e Teqjes i cili pret pa probleme.

20’ Pas zhvillimit të një goditje dënimi, Neziri provon nga distanca pa gjetur portën e Selmanit. (VIDEO)

18’ Vidal gjuan në hyrje të zonës, sfera bllokohet nga prapavija e dinamovitëve.

15’ Boçi harkon nga e djathta, mbrojtja largon me vështirësi.

13’ Maliqi është lojtari i parë i ndëshkuar me karton të verdhë.

11’ Nani harkon nga e djathta përsëri për Guindo, gjyqtari jep faull në sulm. (VIDEO)

9’ Guindo rikuperon topin në zonën kundërshtare dhe pason për Nani, gjuajtja e këtij të fundit ndalet nga Selmani.

7’ Fadairo hyn në zonë në të djathtën dhe gjuan në shtyllën e dytë duke çuar sferën jashtë.

2’ Nani nga e djathta harkon në zonë ku Guindo gjuan me kokë, por gjen Selmanin e vëmendshëm i cili grushton në këndore. (VIDEO)

1’ Nis dueli në “Elbasan Arena”.

FORMACIONET ZYRTARE

DINAMO: Teqja; Ferreira, Gudiabi, Guindo, Vila, Bregu, Maliqi, Nani, Dita, Neziri, Qardaku

Trajner: Ilir Daja

TEUTA: Selmani; Zhongo, Jazxhi, Maçolli, Vidal, Boçi, Gonzales, Përgjoni, Fadairo, Arifi, Toli

Trajner: Enkeleid Dobi

PANORAMASPORT.AL

---