Silvinjo u ul në stolin e Kombëtares shqiptare sapo kishte hyrë viti 2023. Dje për të ishte ndeshja e 30-të ku si rrallë ndonjë trajner tjetër i Shqipërisë, ka bilanc pozitiv. Kështu kuqezinjtë në drejtimin e tij regjistrojnë 14 fitore, 9 humbje dhe 7 barazime me golavarazhin e 38 golave të shënuar dhe 25 të pësuar. Nisur nga debutimet e djeshme të Klisman Cakes dhe Nazmi Gripshit, “Panorama Sport” ka vëzhguar listën e lojtarëve që janë aktivizuar nga Silvinjo në thuajse tre vite.

Bëhet fjalë për 46 futbollistë, që numërojnë paraqitje me ekipin e parë nëse merren parasysh sfidat zyrtare bashkë me miqësoret. Dy prej kuqezinjve shfaqen edhe si të preferuar, pasi asnjë tjetër nuk ka 29 paraqitje sa Nedim Bajrami dhe Kristjan Asllani. Ky i fundit është edhe më uniku me 2486 minutat që ka në këmbët e tij. Bashkë me Mario Mitajn, i cili numëron 2283 minuta, janë të vetmit lojtarë me mbi 2000 minuta nën urdhrat e Silvinjos.

Lista është e gjatë dhe debutimet kanë qenë disa me Silvinjon në krye. Ndër më të qëlluarit deri tani rezulton Jasir Asani, që ishte surprizë dhe udhëhoqi Shqipërinë drejt Europianit 2024. Një tjetër element që erdhi si risi e kualifikueseve të Botërorit dhe ka fituar vendin e titullarit është Juljan Shehu.

Lojtari që ka kontribuar me më tepër gola dhe asist të bashkuar është pikërisht Asani. Me 6 gola dhe 5 asistime në 25 paraqitjet e tij ndiqet nga Bajrami. Ky i fundit është futbollisti që ka shënuar më tepër gola në këtë periudhë prej tre vitesh, 7 të tillë.

Disa lojtarë kanë qenë në dispozicion të Silvinjos në stol, por asnjëherë nuk u është dhënë mundësia për minuta. Bëhet fjalë për Jon Mersinajn, Adrian Bajramin, Andi Hadrojn, Lindon Selahin, Alen Sherrin, Odise Roshin, Ermir Lenjanin dhe Feta Fetain. Bajrami vendosi edhe të largohet nga Shqipëria, për të përfaqëuar Zvicrën ku debutoi që me ftesën e parë këtë muaj. Në vëzhgimin e kryer nuk janë përfshirë lojtari si Agim Zeka, që pavarësisht ftesës nga Silvinjo kanë provuar vetëm tribunën.

LOJTARËT E AKTIVIZUAR

1. Kristjan Asllani, 29 paraqitje
2. Nedim Bajrami, 29 paraqitje
3. Mario Mitaj, 26 paraqitje
4. Jasir Asani, 25 paraqitje
5. Ylber Ramadani, 23 paraqitje
6. Thomas Strakosha, 22 paraqitje
7. Qazim Laçi, 22 paraqitje
8. Elseid Hysaj, 20 paraqitje
9. Berat Gjimshiti, 19 paraqitje
10. Arbër Hoxha, 19 paraqitje
11. Taulant Seferi, 16 paraqitje
12. Arlind Ajeti, 15 paraqitje
13. Ardian Ismajli, 15 paraqitje
14. Myrto Uzuni, 15 paraqitje
15. Mirlind Daku, 15 paraqitje
16. Ivan Balliu, 14 paraqitje
17. Armando Broja, 14 paraqitje
18. Ernest Muçi, 14 paraqitje
19. Rei Manaj, 13 paraqitje
20. Sokol Cikalleshi, 9 paraqitje
21. Marash Kumbulla, 9 paraqitje
22. Enea Mihaj, 8 paraqitje
23. Klaus Gjasula, 8 paraqitje
24. Etrit Berisha, 6 paraqitje
25. Juljan Shehu, 6 paraqitje
26. Keidi Bare, 6 paraqitje
27. Naser Aliji, 5 paraqitje
28. Arbnor Muja, 5 paraqitje
29. Indrit Tuci, 4 paraqitje
30. Adrion Pajaziti, 4 paraqitje
31. Medon Berisha, 4 paraqitje
32. Arbnor Muçolli, 3 paraqitje
33. Anis Mehmeti, 3 paraqitje
34. Mario Dajsinani, 2 paraqitje
35. Maldini Kacurri, 1 paraqitje
36. Enis Çokaj, 1 paraqitje
37. Simon Simoni, 1 paraqitje
38. Kristian Shpendi, 1 paraqitje
39. Amir Abrashi, 1 paraqitje
40. Sebastjan Spahiu, 1 paraqitje
41. Klisman Cake, 1 paraqitje
42. Marvin Çuni, 1 paraqitje
43. Nazmi Gripshi, 1 paraqitje
44. Elhan Kastrati, 1 paraqitje
45. Armando Sadiku, 1 paraqitje
46. Frederik Veseli, 1 paraqitje

Lojtarë në stol, por pa minuta: Jon Mersinaj, Adrian Bajrami, Andi Hadroj, Lindon Selahi, Alen Sherri, Odise Roshi, Ermir Lenjani, Feta Fetai.

Lojtarët që kanë luajtur, por më pak se 90 minuta: Sadiku, Abrashi, Kastrati, Spahiu, Çokaj, Simoni, Çuni, Shpendi, Cake, Gripshi, Veseli, Mehmeti dhe Muçolli.

EMANUEL LOCI-PANORAMASPORT.AL

---