Turneu final i Ligës së Kombeve – ndryshe “Final Four”, ku do të ketë kundërshtarë të klasit të parë, do të jetë një pikë referimi për Gjermaninë e Julian Nagelsmanit.Dhe trajneri i kombëtares katër herë kampione e botës dëshiron të arrijë rezultate të mira në Mynih. Pikërisht sonte në mbrëmje skuadra e drejtuar prej tij do të përballet në Mynih me Portugalinë e Ronaldos në kërkim të një vendi në finalen e së dielës, që do të luhet sërish në Mynih.

Për Gjermaninë, përballjet me Portugalinë dhe më pas një finale e mundshme me Francën ose Spanjën do të jenë një test i mirë për të parë gjendjen e ekipit për atë që pritet të vijë verën e vitit 2026 kur në SHBA, Kanada e Meksikë do të zhvillohet kampionati botëror, objektivi në fakt madhor për “Nationalmannschaft”-in. Vetë trajneri Nagelsman ka një renditje shumë të qartë të trofeve. “Trofeu më i madh si trajner kombëtar është Kupa e Botës. Të gjithë duan ta fitojnë atë”, thotë 37-vjeçari. Megjithatë, në rrugën e vështirë drejt kësaj, ai së pari deklaron se fitimi i trofeut të Ligës së Kombeve për herë të parë në turneun e profilit të lartë “Final Four”, ku luajnë në gjysmëfinale me Portugalinë, favoritët Spanjën dhe nënkampionët e botës, Francën.

Është një arritje e madhe edhe nëse është vetëm një titull i vogël. Por Nagelsmann e dëshiron atë – tani! Do të ishte titulli i tij i parë si trajner me ekipin kombëtar të Gjermanisë. Dhe kështu, niveli tjetër i suksesit dymbëdhjetë muaj para Kupës së Botës në SHBA, Kanada dhe Meksikë.

“Bëhet fjalë për qëllimin. Duam të arrijmë në pikën ku mund të fitojmë tituj së bashku. Kjo është shumë e rëndësishme për ne si grup. Final Four luhet gjithashtu në vendin tonë, kështu që mund të jetë përsëri një minikampionat europian”, deklaroi para pak ditësh Nagelsman gjatë prezantimit të listës së lojtarëve të grumbulluar për “Final Four”. Katër ditë pas triumfit të jashtëzakonshëm të Paris SG-së në Ligën e Kampionëve, me tre lojtarë të fortë portugezë në formacionin titullar, të gjithë sytë janë përsëri nga Mynihu. Portugalia, me të pathyeshmin dhe ende liderin Kristiano Ronaldo (40), do të jetë pengesë e parë në rrugën drejt trofeut (sonte ora 21:00). Vetëm një fitore në shtëpi ka rëndësi.

LEDJO SEFERKOLLI-PANORAMASPORT.AL

---