Themeluesi i “RedBird”, Xherri Kardinale, ka dhënë një intervistë ekskluzive për “The Financial Times”. “Çdo gjë që kam veshur është italiane. Loro Piana,” thotë ai, duke treguar nga supet deri te këpucët.

“Gjithmonë kam qenë krenar që jam italian. Nëna ime ishte Dorothy D’Annunzio”. Në vitin 1982, babai i tij e dërgoi në Santa Maria di Kastelabate, një qytet bregdetar në jug të Napolit, për të gjurmuar origjinën e tij. Ajo ishte viti kur Italia fitoi Kupën e Botës… “I gjithë Italia shpërtheu… dhe kjo më ka mbetur në mendje.”

“Ajo me të cilën jam përballur këto tre vite në Itali është diçka që nuk e kam përjetuar kurrë më parë. Nuk mund të hedh as hapin e parë këtu pa më pyetur: A jam vërtet unë pronari i klubit, apo është Eliot? Kjo është gjëja më absurde në botë. Është thjesht zhgënjyese. Sepse ajo që dua është të më jepet besimi se jam i besueshëm dhe se më intereson ky klub, ky qytet dhe ky vend, dhe se jam një administrator i mirë…

Ajo që kam mësuar në këto tre vite është se duhet ta provoj këtë”, thotë Kardinale, i cili së fundmi ka marrë edhe shtetësinë italiane. Kardinale shtoi gjithashtu: “Të gjithë më shohin dhe mendojnë se je ‘il presidente’, je Silvio Berluskoni i ri. Gjëja e fundit që do të bëj është të vij këtu thjesht, sepse jam i pasur dhe të sillem si tifoz i thjeshtë”. Kardinale dëshiron që të kishte më shumë mbështetje nga qeveria italiane, përfshirë kryeministren Xhiorxhia Meloni, ndërsa përpiqet të rikthejë futbollin italian në hartën botërore dhe të modernizojë industrinë e eventeve.

“Po ndërtoj një stadium dhe dua që të jetë një produkt italian. Banka italiane që ta financojnë, kompani italiane që të konkurrojnë për të drejtat e emrit, biznese italiane në tregti dhe mikpritje rreth tij. Në SHBA do ta bëja këtë në gjumë. Këtu nuk është ekosistemi im, ka barriera gjuhësore, politike dhe kulturore”. Kardinale po ndërton një stadium të ri, një arenë moderne që do të zëvendësojë atë ekzistues, duke shërbyer edhe si hapësirë për evente dhe tregti, si dhe synon të sjellë një skuadër basketbolli të stilit NBA në Milano.

Ai thekson se do të donte një qasje më të ngjashme me administratën e Donald Trump. “Për t’ju thënë të drejtën, ajo që kam përjetuar me Presidentin Trump ka qenë e jashtëzakonshme. Një ndryshim i madh. Trump po udhëheq në riformësimin e partneritetit publik-privat. Në Amerikë kemi shumë ekspertizë në sektorin privat dhe presidenti po e shfrytëzon këtë për vendin. Kjo është ajo që dua të shoh edhe këtu në Itali. Do të doja të arrija në një pikë ku, nëse fitoj besueshmërinë e mjaftueshme, të shkoj në Romë dhe të ulem me Melonin apo këdo tjetër dhe të them, hajde të bëjmë një plan për të ringritur Serie A. Ta bëjmë Serie A një nga eksportet më të mëdha të Italisë”.

PËR ZËRAT MBI PRONËSINË

 

---