Në një intervistë me radion spanjolle COPE, sulmuesi i Barcelonës, Lamine Jamal, foli për garën për “Topin e Artë” dhe sfidën midis Spanjës dhe Francës ku luan Ousmane Dembele, një kandidat serioz për çmimin e njohur personal.

Dy ditë para gjysmëfinales së Ligës së Kombeve, Jamal thotë: Nëse do të duhej të votonit për Topin e Artë, për kë do të votonit? Lojtarin më të mirë të vitit apo këdo që fiton ndeshjen të enjten? Secili i sheh gjërat në mënyrën e vet. Shpresoj të fitojmë. Por, pavarësisht nëse fitojmë apo jo, unë do të votoj për lojtarin më të mirë të vitit. Sepse nëse e enjtja nuk shkon ashtu siç dua unë ose siç dëshiron Dembele, çfarë do të ndodhë? A do të votojmë për dikë tjetër që luan të dielën? Unë jam lloji i personit që voton për lojtarin më të mirë të vitit. Por nëse njerëzit duan të rrezikojnë gjithçka në një ndeshje, atëherë… le ta luajmë”.

Jamal vjen pas një sezoni të jashtëzakonshëm ku fitoi Superkupën e Spanjës, Kupën e Mbretit dhe La Ligën me Barcelonën. Ai tani është i përqendruar te ndeshja kundër Francës, e cila do të luhet në Shtutgart për një vend në finalen e Ligës së Kombeve. Fituesi i kësaj ndeshjeje do të përballet ose me Gjermaninë ose me Portugalinë.

PANORAMASPORT.AL

 

---