NATIONS LEAGUE

Spanjë – Francë Njëra nga Spanja ose Franca do të ketë shansin të bëhet fituesja e parë që triumfon më shumë se një herë në turneun e UEFA Nations League, ndërsa takohen në gjysmëfinale të enjten. Kjo do të jetë një ndeshje e vetme mes dy gjigantëve kontinentalë, që do të luhet në një vend neutral, në “MHPArena” në Shtutgart, me parashikimin tonë që të dyja ekipet do të shënojnë gola. Fituesi kalon në finalen në Mynih. Konkurrenca mes këtyre skuadrave ka qenë e ngushtë vitet e fundit, megjithëse Spanja ka pasur epërsi ndaj Francës kohët e fundit. Ka një betejë brenda betejës, pasi dy nga futbollistët më të mirë individualë të kësaj gjenerate do të përballen. Lamine Jamal nga Spanja dhe Kilian Mbape nga Franca do të kërkojnë të vendosin autoritetin e tyre në ndeshje dhe t’i japin ekipit përkatës një avantazh vendimtar.

PARASHIKIMI: Shënojnë të dyja skuadrat 57%

KUALIFIKUESET E BOTËRORIT

Australi – Japoni Australia do të vazhdojë përpjekjet për të siguruar një vend në Kupën e Botës, kur do të presë Japoninë në ndeshjen e tyre të ardhshme. Duke luajtur në Grupin C të fazës së tretë të kualifikimeve, Australia qëndron në vendin e dytë, shtatë pikë pas Japonisë. Një vend i dytë direkt në kualifikuese është në lojë dhe Australia synon ta marrë atë. Në kushtet aktuale, katër pikë nga dy ndeshjet e mbetura do t’u sigurojnë kualifikimin. Australianët, të cilët i filluan kualifikueset me një humbje, janë përmirësuar gjatë rrugës. Ata vijnë nga dy fitore radhazi ndaj Indonezisë dhe Kinës. Ndeshja jashtë fushe kundër Arabisë Saudite në takimin e fundit do të jetë sfiduese, prandaj Australia dëshiron të sigurojë pikë këtu. Japonia nuk ka aspak presion. Për ta, kjo mund të konsiderohet si një ndeshje pa shumë rëndësi.

PARASHIKIMI: Shënojnë të dyja skuadrat 65%

Ekuador – Brazil Ekuadori do të presë Brazilin në “Estadio Monumental Banco Pichincha” në ndeshjen e 15-të të fazës kualifikuese të CONMEBOL për Kupën e Botës 2026. Ekuadori ka qenë surpriza më e madhe në kualifikueset e CONMEBOL për Kupën e Botës 2026. Ata ndodhen në vendin e dytë, me 23 pikë të grumbulluara në 14 ndeshje. Suksesi në këtë kompeticion nuk është një mister i madh. Ai bazohet kryesisht në një mbrojtje solide. Ata kanë regjistruar mbrojtjen më të mirë, duke lejuar vetëm pesë gola. Brazil ka pasur periudha të ndryshme në arenën ndërkombëtare. Nëse nuk ka qenë një performancë e dobët, atëherë kanë qenë rezultatet e dobëta. Ata janë në vendin e katërt në renditjen e kualifikuesve të CONMEBOL për Kupën e Botës 2026, që tregon shumë. Ndeshja e fundit e Brazilit në këto kualifikime përfundoi me një humbje zhgënjyese 4-1 ndaj rivalëve argjentinas. Pas këtij rezultati, trajneri Dorival Junior u shkarkua. Brazil hyn në këtë ndeshje nën drejtimin e trajnerit të ri. Trajneri veteran Carlo Ancelotti është në krye dhe pritet të udhëheqë ekipin drejt rezultateve më të mira. Deri tani, skuadra e tij ka humbur vetëm një nga gjashtë ndeshjet e fundit.

PARASHIKIMI: Fiton Brazili 48%

Kili – Argjentinë Kili ende po kërkon fitoren e parë kundër Argjentinës që nga qershori i vitit 2016. Kjo ndeshje e raundit të 15- të në kualifikueset e CONMEBOL për Kupën e Botës 2026 do të zhvillohet në “Estadio Nacional Julio Martinez Pradanos”. Paraqitja e fundit e Kilit në Kupën e Botës ishte në vitin 2014. Që atëherë, kanë dështuar të kualifikohen në dy edicionet e fundit dhe ky vit mund të jetë i treti radhazi. Ata ndodhen në fund të tabelës me 10 pikë, pesë pikë larg vendit që çon në “play off” ndërkonfederatash. “La Roja” është skuadra me sulmin e dytë më të dobët këtë sezon, vetëm pas Perusë. Mund të thuhet se pikërisht aty qëndron problemi kryesor. Argjentina ka dominuar në kualifikueset e CONMEBOL këtë vit dhe pritet të përfundojë në krye të grupit.

PARASHIKIMI: Shënojnë të dyja skuadrat 47%PANORAMASPORT.AL

---