Shënoi dy gola ndaj Vllaznisë, 19-vjeçari Xhixha: Dua të bëhem si Salihi

Panorama Sport | Gazeta me e shitur sportive ne vend

Postuar: Tetor 1, 2017 | 9:42

Shënoi dy gola ndaj Vllaznisë, 19-vjeçari Xhixha: Dua të bëhem si Salihi

Autori i dy golave në ndeshjen e djeshme, Redon Xhixha, në një deklaratë për “SuperSport”, ka sqaruar momentin e golit të dytë ku topi po shkonte drejt rrjetës dhe sulmuesi e shtyu atë duke i dhënë forcë.

Xhixha

“Të them të drejtën, topi ishte jashtë vijës fatale, kur unë e kam shtyrë në rrjetë. Megjithatë, pak rëndësi ka kjo, pasi kemi marrë një fitore të shkëlqyer. Dua të falënderoj të gjithë shokët e skuadrës, për faktin që më kanë pasuar dhe unë kam arritur të shënoj. E gjithë skuadra ka bërë një paraqitje të mirë”, tha lojtari, që ka një mesazh edhe për tifozët.

Xhixha

“Dua të falënderoj edhe tifozët e skuadrës, që nuk kanë qenë të shumtë në stadium, por shpresoj që me lojërat e mira të na mbështesin edhe më shumë në të ardhmen”, tha futbollisti, që ka dy idhuj në botën e futbollit.

“Jam ende në fillimet e karrierës, por më pëlqen shumë Hamdi Salihi nga futbolli shqiptar dhe Levandovski nga ai i huaj”, ka përfunduar 19-vjeçari, i cili me paraqitjen e djeshme duket se ka siguruar një vend në formacionin bazë.






www.minuta90.com