“NotoSondaggi” në News24 ka zbardhur projeksionin e votës së shqiptarëve për garën e elektorate të zgjedhjeve parlamentare të 11 majit.
Sipas anketimit të realizuar në Shqipëri, del në pah dhe prirja e votës së 11 majit.
Qytetarët janë pyetur nëse nesër do të mbaheshin zgjedhjet kombëtare në Shqipëri për të rinovuar Parlamentin, Ju cilën parti do të votonit?!
Në përgjigje rezulton se rreth 46% e shqiptarëve të votonte për Partinë Socialiste dhe Edi Ramën.
Kjo përkrahje në zgjedhjet e 2021 ka qenë në nivelin e 48.67 %. Ndërkohë që projeksioni shkon nga 44 % që është minimalja deri në 48 % që është maksimalja e përkrahjes.
Ndërkohë që përkrahja për Partinë Demokratike dhe Aleancën Shqipëria Madhështore përllogaritet në masën e 35 %.
Nëse zgjedhjet do të bëheshin nesër, shqiptarët janë përgjigjur në maksimale PD do të arrinte 37 %, ndërkohë që vlera minimale përllogaritet në afro 33 %.
Në zgjedhjet e 2021 koalicioni i PD mori përkrahjen e 39.43 % të votuesve shqiptarë.
Partia Mundësia e Agron Shehajt sipas sondazhit arrin në një vlerë tek 6.5%, ndërkohë që maksimalja arrin në 7.5%.
Koalicioni i Adriatik Lapajt dhe Endri Shabanit kuotohet në nivelin e 5.0 %, ndërkohë që vlera maksimale që synohet është 6%.
Partia Socialdemokrate e Tom Doshit arrin të ruajë po të njëjtat kuota të 2021. Sipas NotoSondaggi Tom Doshi arrin 2.5 % të përkrahjes së votuesve.
Ndërkohë që skenari më i mirë për PSD-në e Tom Doshit arrin në 3.5 përqind.
Lëvizja Bashkë e Arlind Qorit arrin në 1.5%, në maksimale deri në 2%. Koalicioni Euroatlantik i Lulzim Bashës mund të siguroje deri në 2% të votave të elektoratit dhe në rastin maksimal deri në 3%.
Kurse Koalicioni Djathtas për Zhvillim 1.0% maksimalja 2 %
LEXO EDHE:
© Panorama.al
