Tridhjetë e dy “dronë armiqësorë” u vunë re në hapësirën ajrore të Kuvajtit që nga agimi, pasi sulmet iraniane thuhet se kishin në shënjestër një numër instalimesh jetësore në vend.
Në një deklaratë, zëdhënësi i Ministrisë së Mbrojtjes së Kuvajtit, Kolonel Saud Abdulaziz Al-Atwan, tha se forcat e armatosura i kishin dalluar dronët dhe i kishin kapur ato.
“Dronët u kapën dhe u shkatërruan”, tha Al-Atwan, duke shtuar se mbeturinat ranë në disa zona banimi si rezultat i operacionit të kapjes.
Mbeturinat që ranë shkaktuan dëme materiale, por sipas deklaratës zyrtare, nuk u raportuan viktima ose të lënduar.
Njoftimi erdhi pas deklaratave të Ministrit të Mbrojtjes të Kuvajtit, sipas të cilit sulmet iraniane goditën ose u përpoqën të godisnin objekte kritike në vend.
Ministria e Mbrojtjes theksoi se Forcat e Armatosura mbeten në gatishmëri të vazhdueshme, me qëllim mbrojtjen e hapësirës ajrore dhe infrastrukturës së vendit.
“Forcat e Armatosura konfirmojnë angazhimin e tyre të vazhdueshëm për të kryer detyrat dhe përgjegjësitë e tyre me efikasitet dhe adekuatshmëri, duke ruajtur gatishmëri dhe vigjilencë të vazhdueshme, duke forcuar kështu sigurinë kombëtare dhe duke mbrojtur sigurinë e qytetarëve dhe banorëve”, thuhet në deklaratë.
© Panorama.alDRAMATIC FOOTAGE: IRANIAN DRONE STRIKES US MILITARY DEPOT IN KUWAIT
Dramatic footage shows an Iranian Shahed drone striking a target in Kuwait belonging to the US military, located within Mina Abdullah port. According to open-source intelligence accounts, multiple targets were… pic.twitter.com/uMIjAbXP1c
— Sovereign Media (@sov_media) July 16, 2026
