“Nuk keni ndërmend të respektoni rregulloren dhe kushtetutën”- Debatet me dyer të mbyllura në Konferencën e Kryetarëve, Bardhi: Paketa fiskale duhet të kishte ardhur bashkë buxhetin

Kryetari i Grupit Parlamentar të Partisë Demokratike, Gazment Bardhi ka deklaruar në mbledhjen e Konferencës së Kryetarëve se paketa fiskale duhet të kishte ardhur bashkë me buxhetin.

Gjatë debateve me dyer të mbyllura, Bardhi u shpreh se ‘Ministri i Financave duhej ta kishte prezantuar këtu, dhe ne si Konferencë duhej të kishim miratuar një kalendar për shqyrtimin e kësaj pakete’.

Ai theksoi se mazhoranca nuk ka ndërmend të respektojë rregulloren dhe Kushtetutën.

“Na keni njoftuar se ka ardhur Paketa Fiskale. Ju kujtoj se duhej të kishte ardhur bashkë me buxhetin, por përtej kësaj duhet ndjekur e njëjta procedurë si me buxhetin. Ministri i Financave duhej ta kishte prezantuar këtu, dhe ne si Konferencë duhej të kishim miratuar një kalendar për shqyrtimin e kësaj pakete. Me sa shoh nuk keni ndërmend te respektoni rregulloren dhe kushtetutën”, është shprehur Gazment Bardhi.

LEXO EDHE: Përjashtimi i Berishës nga Kuvendi, zbardhen debatet me dyer të mbyllura në Konferencën e Kryetarëve, Gjekmarkaj: Keni frikë nga fjala e tij! Edhe një kovaçhane punon mbi rregulla

© Panorama.al