Gjykata Administrative ka vendosur sot që të rikthejë në detyrë dekanen e Fakultetit të Drejtësisë, Dorina Hoxha, e cila ishte pezulluar më herët nga rektori Artan Hoxha.
Dorina Hoxha, në këtë mënyrë rikthehet Dekane e Fakutetit të Drejtësisë, teksa kishte paditur vendimin e rektorit.
Dekania Hoxha njëkohësisht kandidon edhe për anëtare të Këshillit të Lartë Gjyqësor.
Me këtë vendim, profesoreshë Dorina Hoxha duhet të rikthehet menjëherë në detyrën e dekanes së Fakultetit të Drejtësisë së Universitetit të Tiranës.
Më 22 maj të këtij viti, Rektori pezulloi nga detyra dekanen Hoxha me argumentin se kjo e fundit ka shprehur interesin për të kandiduar si anëtare Këshillit të Lartë Gjyqësor nga radhët e pedagogëve, dhe duke qenë se Fakulteti i Drejtësisë ka kompetenca në përzgjedhjen e kandidaturave ajo ndodhej në konflikt interesi.
© Panorama.al
