Duel titanësh në “Alianz Arena”, ja si pritet të luajnë Bajerni dhe Reali
Jup Hejnkes deklaroi në konferencën për shtyp se mbrojtësi David Alaba nuk u stërvit në seancën e fundit stërvitore me skuadrën dhe do të vendoste vetëm pak orë përpara ndeshjes nëse do ta përfshijë lojtarin në skuadër apo jo.
E njëjta gjë vlen edhe për Korentino Toliso. Francezi, dhe pse u stërvit me skuadrën, zhvilloi një seancë të veçuar nga pjesa tjetër e skuadrës. Pjesa tjetër është e plotë me përjashtim të Nojer, Koman dhe Vidal që kanë mbyllur sezonit. Vetëm portieri mund të luajë në rast se bavarezët do të kualifikohen për në finalen e Kievit.
Zinedin Zidan do ta ketë grupin e plotë ndaj bavarezëve. Dyshimi i vetëm është për francezin Karim Benzema. Sulmuesi nuk bind dhe ka shënuar shumë pak në këtë sezon. Vetëm dy gola në fazën e grupeve, vështirë se do të bënte më shumë përballë një mbrojtjeje të hekurt si Bajerni. Humelsit dhe Boatengut do t’u duhet të bëjnë llogaritë me Ronaldon.
Portugezi është një makineri e vërtetë golash. Ai ka shënuar 7 gola në përballjet ndaj bavarezëve. Ndërkohë Zidan mendon të luajë me Vaskez ose Asension në vend të Ronaldos, duke e postuar portugezin në qendër të sulmit.
