Dy turistë amerikanë kanë mbetur të plagosur të martën në Athinë pasi u sulmuan me thikë nga një person që dyshohet se vuan nga probleme të shëndetit mendor.
Ngjarja, sipas mediave greke, u shënua në hyrjen jugore të sitit arkeologjik të Akropolit.
Burri filloi të kërcënonte kalimtarët dhe sulmoi dy turistë greko-amerikanë, duke iu shkaktuar lëndime në krahë dhe këmbë.
Autori i krimit u ndalua dhe u arrestua menjëherë nga oficerët e policisë, ndërsa të plagosurve iu dha ndihma mjekësore.
Sipas mediave, autori është një grek 60-vjeçar, i cili ishte arrestuar në të kaluarën për fyerje dhe posedim të një thike.
© Panorama.al
