U luajtën sot 5 sfidat e vlefshme për javën e fundit të Kategorisë së Dytë. Devolli i Stavri Nicës  është zyrtarisht kampion i Grupit B. Skuadra nga qyteti i Bilishtit mposhti me rezultatin 4-1 Tepelenën, duke e mbyllur kampionatin në vendin e parë me diferencë prej vetëm 1 pikë nga vendi i dytë i Shkumbinit.

Ishte sulmuesi Xaka që në minutën e 8-të hapi serinë e golave, duke çuar peshë zemrat e tifozëve devollinj të cilët ishin të shumtë në shkallët e stadiumit. Për golin e sigurisë mendoi mesfushori Avdillari, ndërkohë që vëllezërit Mario dhe Dario Kame vulosën përballjen ndaj Tepelenës. Ndërkohë për miqtë golin e nderit e shënoi Shehu.

Ndërkohë në sfidat e tjera, Naftëtari mposhti Memaliajn me rezultatin 3-2. Albpetroli fitoi me përmbysje ndaj Delvinës. Dy përballjet e tjera, ato mes Këlcyrës dhe Gramozit si dhe Maliqi-Skrapari përfunduan në barazim 2-2.

REZULTATET:

Devolli-Tepelena 4-1

Delvina-Albpetroli 1-2

Klëcyra-Gramozi 2-2

Naftëtari-Memaliaj 3-2

Maliqi-Skrapari 2-2

Shkumbini-Termi 3-0 (në tavolinë)

DJE:

Përmeti-Butrinti 1-1

---