Një pallat në ndërtim në një zon publike në njësinë nr. 14, në lagjen e Astirit, do të shembet.
IKMT dhe policia bllokuan sipërfaqen prej 4 mijë metra katrorë sipërfaqe ndërtimi pa leje.
Pallati, i ndërtuar nga biznesmeni Sino Llanaj, raportohet se ishte në shkelje flagrante të rregullave të ndërtimit. Ky i fundit është ndaluar nga policia.
“Specialistët për Hetimin e Krimeve të Komisariatit Nr. 6 ndaluan shtetasin S. Ll., 50 vjeç, pasi është konstatuar se në objektin e tij (pallat në ndërtim), në Yzberisht, ka kryer punime ndërtimi pa leje, në hapësirën e përbashkët të pallatit”, njoftoi policia.
Nënkryetari i Bashkisë së Tiranës, Blendi Sula, deklaroi se paligjshmëria nuk ka vend në Tiranë dhe se ndërhyrjet nuk do të ndalen.
Ai u bëri thirrje sipërmarrësve që të respektojnë rregullat e ndërtimit për të shmangur penalizimet, duke paralajmëruar se në të kundërt, do të përfshihen në “listën e zezë” të Bashkisë së Tiranës.
© Panorama.al
