Protesta e qytetarëve në Tiranë, ku mijëra pjesëmarrës kanë mbushur rrugët e kryeqytetit duke kërkuar dorëheqjen e qeverisë dhe kryeministrit Edi Rama, vijon siç është bërë tashmë traditë, me marshim në zona të ndryshme.
Gjatë marshimit protestuesit kanë vijuar me thirrje të forta kundër klasës politike, duke përfshirë edhe opozitën parlamentare.
“Opozita jemi ne”, është një nga sloganet e dëgjuara në shesh, ndërsa nuk kanë munguar as thirrjet drejtuar qeverisë dhe kryebashkiakut të Tiranës.
“Rama jep dorëheqjen” dhe “O Erjon, o legen, prite Ramën se po vjen” janë dëgjuar gjithashtu gjatë lëvizjes së turmës në rrugët e kryeqytetit.
