Qytetarët e mbledhur në protestën e zhvilluar në Tiranë për largimin e kryeministrit Rama përcollën mesazhet e tyre përmes pankartave të shumta, të cilat shprehnin pakënaqësi ndaj korrupsionit, mungesës së drejtësisë dhe klasës politike në vend.
Mes pankartave që tërhoqën vëmendjen ishin mbishkrimet: “Përvjetori i 35 viteve korrupsion”, “Rama në burg, Berisha në burg”, si dhe “Edi, e di që fundi po i vjen tani”.
Një tjetër mesazh i shfaqur nga protestuesit ishte: “Jo 2000, po 100 000, derisa të ketë drejtësi”, duke nënvizuar kërkesën për pjesëmarrje më të madhe qytetare dhe për vendosjen e drejtësisë.
