Është shpallur ylli i Totenhemit, Garet Bejl, futbollisti më i mirë i Premier Ligës për sezonin 2010-2011. Çmimi i përvitshëm që i jepet lojtarit që ka shkëlqyer më shumë në kampionat, i ka takuar mesfushorit uellsian. Në mbrëmjen gala të dhënies së këtyre çmimeve në hotel “Grosvenor”, 21-vjeçari ka pasur konkurrencën e 5 futbollistëve të tjerë, Parker (Uest Hem), Vidiç (Junajtid), Adam (Blekpull), Tevez (Siti) dhe Samir Nasri (Arsenal). Paraqitjet e tij në kampionat e sidomos në Ligën e Kampioneve, ku të gjithë e kujtojnë tripletën që i shënoi Interit në “San Siro”, kanë qenë vendimtare për dhënien e këtij trofeu. Ai ka shënuar 7 gola në 26 ndeshje në kampionat. Por, ndërsa Garet feston këtë çmim, nga ana tjetër mesfushori 19-vjeçar i Arsenalit Xhek Uilsher ka marrë trofeun e futbollistit më të mirë të ri. Ai ka arritur të fitojë një vend në formacion bazë si me klubin e “topçinjve” ashtu edhe në Kombëtaren e Anglisë. Uilsher ka lënë mbrapa kandidaturat e Hart, Nasrisë, Kolman, Nanit, Hernandezit dhe Bejlit.
Opinion
Patronazhimi politik, kapja orwelliane e shtetit
EDMOND PANARITI
Dy pyetje të vështira nga protestuesit e rinj
ARBEN MALAJ
Gostia e kanibalëve dhe zgjimi i shpirtit të kombit
VIOLA ÇULLHAJ
Gota e mbushur e tranzicionit shqiptar
RUDINA HAJDARI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama