Një lajm që ka tërhequr vëmendjen e të gjithëve për sa i përket lëvizjeve në merkato, ka ardhur nga Italia.  

Xhanluixhi Donaruma pritet të luajë sezonin e fundit me Milanin dhe e ardhmja e tij mund të jetë te Juventusi. Kjo raportohet nga “Sportitalia”, ku thuhet se agjenti i lojtarit nuk është aspak i lumtur me qëndrimin e tij te Milani.

Në këtë situatë, thuhet se Raiola po përgatit një strategji për ta larguar portierin nga kuqezinjtë. Raporti i sipërpërmendur shkruan se agjenti do i kërkojë Milanit një kontratë 5-vjeçare me 9 milionë euro në sezon, diçka që nuk do të pritej mirë nga drejtuesit, të cilët nuk janë të gatshëm ta plotësojnë këtë kërkesë.

Në rast se rinovimi nuk vjen, atëherë Donaruma do të jetë lojtar i lirë dhe pritet të ndodhë edhe lëvizja e bujshme. Juventusi e ndjek prej kohësh portierin dhe është gati ta afrojë në ekip me parametra zero, por duke i plotësuar të gjitha kërkesat e tij ekonomike për rrogën e lartë.

PANORAMASPORT.AL

NDIQE LIVE "PANORAMA TV"

---