Të paktën 32 persona u vranë dhe dhjetëra të tjerë u plagosën kur një vinç ra mbi një tren pasagjerësh në Tajlandë, sipas raportit të fundit nga autoritetet lokale.
Aksidenti ndodhi rreth orës 09:00, kur një vinç në një kantier ndërtimi u shemb dhe ra mbi një tren pasagjerësh.
Vinçi u instalua në një kantier të madh ndërtimi për një rrjet hekurudhor me shpejtësi të lartë të mbështetur nga Kina dhe të operuar nga një kompani tajlandeze që është përfshirë në aksidente të tjera në të kaluarën.
Vinçi ra dhe nxori nga shinat një tren pasagjerësh që lidhte kryeqytetin Bangkok me provincën Ubon Ratchathani.
Të paktën 32 persona u vranë dhe më shumë se 60 u plagosën, shtatë prej tyre rëndë, thanë autoritetet lokale shëndetësore, duke shtuar se tre persona ende rezultojnë të zhdukur. Ministri i Transportit i Tajlandës, Phiphat Ratchakitprakarn, tha se në trenin e pasagjerëve kishte 195 pasagjerë.
#Bangkok | Crane Collapse Kills 22 on Thai Passenger Train
The accident struck early Wednesday in northeast Thailand’s Sikhio district, where a crane lifting a bridge segment for a high-speed rail project fell across the tracks at 9:05 a.m., derailing two carriages of Special… pic.twitter.com/OHFMgjeGSF— Deccan Chronicle (@DeccanChronicle) January 14, 2026
Vinçi ndodhej në kantierin masiv të ndërtimit, i cili filloi në vitin 2017, një dekadë me vonesë, për t’i dhënë Tajlandës trenin e parë me shpejtësi të lartë. Projekti, i vlerësuar të kushtojë 5.4 miliardë dollarë, pritet të lidhë Bangkokun me Kunmingun në Kinën jugore nëpërmjet Laosit. Ai mbështetet nga Kina si pjesë e të ashtuquajturës nismë e saj “Rruga e Re e Mëndafshit” për të rritur tregtinë dhe ndikimin. Kompania në fjalë është Italian-Thai Development, e cila tha në një deklaratë se do të “merrte përgjegjësinë për kompensimin e familjeve të viktimave dhe mbulimin e shpenzimeve mjekësore të të lënduarve”. Kryeministri tajlandez Anutin Sarnvirakul bëri thirrje për një hetim mbi shkaqet e aksidentit, duke theksuar se ata që janë përgjegjës “duhet të mbahen përgjegjës”. “Ka ardhur koha për të ndryshuar ligjin për të listuar kompanitë e ndërtimit të punëve publike përgjegjëse për aksidente të përsëritura”, tha ai.
At least 31 have been killed and 64 injured after a construction crane #collapsed on a train in #Thailand. The passenger train, traveling from #Bangkok to #UbonRatchathani, caught fire as a result of the incident. Rescue operations are ongoing. #Thailand #TrainAccident #Breaking pic.twitter.com/uDriw7a9xG — Our World (@MeetOurWorld) January 14, 2026
E njëjta kompani është përfshirë në aksidente të tjera vitet e fundit, përfshirë rrëzimin në vitin 2017 të një vinçi të përdorur për të ndërtuar trenin ajror të kryeqytetit tajlandez.
Tetëmbëdhjetë persona u vranë në vitin 2020 në Tajlandë kur një tren mallrash u përplas me një autobus që transportonte besimtarë në një ceremoni fetare.
© Panorama.al22 people were killed after a a construction crane fell on a passenger train in northeastern Thailand on Jan 14. State officials confirmed the death toll, adding that investigation in underway#Thailand #ThailandCrane #Bangkok #CNBCTV18Digital #UbonRatchathani #TrainCrash pic.twitter.com/4Og9eGkrUk
— CNBC-TV18 (@CNBCTV18News) January 14, 2026
