Ushtria ruse nuk po kursen as fëmijët, duke bombarduar kopshte dhe çerdhe, përveç banesave.
Një çerdhe në Kharkiv u godit nga një dron rus të mërkurën në mëngjes, duke vrarë një person dhe duke plagosur shtatë të tjerë, tha Ministri i Brendshëm ukrainas Ihor Klimenko. Rreth 50 fëmijë u evakuuan nga vendi i ngjarjes, ndërsa numri i fëmijëve të plagosur po hetohet.
Sipas një postimi nga Klimenko në Facebook, ekipet e shpëtimit dhe oficerët e policisë i larguan fëmijët në mënyrë të sigurt nga çerdhja e goditur nga sulmi rus.
“Duart e vogla mbajnë supet e atyre që i shpëtojnë dhe i mbrojnë ata. Nuk ka parime apo rregulla në veprimet e Rusisë. Vetëm shkatërrim dhe vdekje”, tha ministri.
Policia, në bashkëpunim me Shërbimin e Sigurisë së Ukrainës (SBU), po e dokumenton incidentin si krim lufte kundër civilëve dhe fëmijëve.
When you think it couldn’t get any worse — Russia hits a Kharkiv kindergarten full of children with three Shaheds.
Bloody terrorists. pic.twitter.com/1aLCjnfxDe
— Maria Avdeeva (@maria_avdv) October 22, 2025
“Deri më tani, ne e dimë se një person u vra dhe shtatë u plagosën. Rreth pesëdhjetë fëmijë janë evakuuar në mënyrë të sigurt. Numri i saktë i fëmijëve të plagosur është nën hetim”, shtoi Klimenko . “Nuk ka asnjë justifikim për një sulm me dron ndaj një kopshti fëmijësh, dhe as nuk mund të ketë ndonjëherë. Është e qartë se Rusia po bëhet gjithnjë e më e paturpshme. Këto sulme janë shuplaka e Rusisë për të gjithë ata që këmbëngulin në një zgjidhje paqësore. Banditët dhe terroristët mund të vendosen në vendin e tyre vetëm me forcë”, shkroi presidenti Volodymyr Zelensky pas ngjarjes.
Ndërkohë, të paktën gjashtë persona, përfshirë dy fëmijë, u vranë në sulmet e reja me raketa dhe dronë rusë në Ukrainë gjatë natës, duke shkaktuar ndërprerje të gjera të energjisë elektrike në të gjithë vendin, thanë autoritetet ukrainase.
© Panorama.alRussia has just bombed a kindergarten in Kharkiv during school hours, many children are reportedly injured. With Ukraine’s allies still refusing to pressure Russia or provide badly needed weapons, Russians believe they are free to scale up the mass murder of our people. pic.twitter.com/2lUJLcbyKq — SPRAVDI — Stratcom Centre (@StratcomCentre) October 22, 2025
