Protesta e mijëra qytetarëve shqiptarë ditën e 13-të të saj është provokuar në mbrëmje nga persona që duket se mbështesnin antimitingun.
Nuk munguan tensionet, por thirrjet për qetësi nga aktivistët dhe drejtuesit bënë që ajo t’i kthehej normalitetit shumë shpejt dhe të mos kishte incidente.
Nga pamjet e siguruara edhe nga Panorama Online, duket qartë se shkak i tensioneve u bënë provokimet e një të riu që kaloi me qen mes grupit të protestuesve dhe jo vetëm kaq, por nisi t’i shante dhe fyente në distancë.
Kjo solli tension dhe reagim të shumë qytetarëve të ofenduar që e ndoqën, por shumë të tjerë reaguan me qetësi duke penguar përplasjet dhe rikthyer normalitetin.
