Mijëra qytetarëve shqiptarë ne sheshin e protestës në ditën e 13-të nuk i munguan jo vetëm parullat, pankartat, thirrjet dhe këngët patriotike, por edhe flamujt e vendeve partnere.
Qytetarët e shumtë që po protestojnë përpara selisë së ekzekutivit e kanë valëvitur flamurin e SHBA-së krah atij kombëtar, si një simbol të mbështetjes dhe aspiratave të tyre demokratike.
Kjo pamje dëshmon qartë thirrjen e protestuesve drejt aleatëve ndërkombëtarë për të kthyer sytë nga kriza që ka përfshirë vendin.
Në mesin e lumit të njerëzve që kanë mbushur bulevardin “Dëshmorët e Kombit”, përpara godinës së Kryeministrisë është fotografuar duke u valëvitur edhe flamuri gjerman.
Ky simbol, i ngritur lart nga protestuesit krahas flamurit kuqezi, por edhe atij amerikan, vjen si një mesazh i qartë i qytetarëve dhe i diasporës së rikthyer për të kërkuar standarde europiane dhe mbështetje nga partnerët ndërkombëtarë.
Pamja po bën xhiron e rrjetit, duke dëshmuar frymën dhe aspiratat e kësaj proteste masive në kryeqytet.
